E mërkurë, 24 Maj 2017
Mbrojtësi i Barcelonës, Gerard Pique ka treguar se mbrojtësi i Real Madridit, Dani Carvajal i ka kërkuar falje, pas fyerjeve gjatë festës së titullit.
Ai tha se Carvajal është djalë shumë i mirë, me të cilin edhe ka luajtur letra, por që e ka bërë nga euforia.
“Nuk e shoh si fyerje, ishte një frazë që u përsërit nga tifozët. Nuk e konsideroj si fyerje, sepse u tha në një moment euforie dhe është normale”, tha fillimisht Pique.
“Unë e njoh Carvajalin, ai është djalë i mirë dhe ne kemi luajtur letra bashkë. Ai më dërgoi një mesazh dhe më kërkoi falje, por unë i thash se nuk ka nevojë. Nganjëherë e bën njëri, pastaj tjetri”.
Kujtojmë se Pique që një kohë të gjatë është në luftë me Real Madridin, por kësaj radhe i ka kuptuar futbollistët e Realit dhe tifozët e saj, të cilët kishin kënduar: “Pique dështak, përshëndete kampionin”.