PRISHTINË – Grupi i Shoqërisë Civile për grumbullimin e dëshmive për krime lufte dhe përgatitjen e kallëzimeve penale kundër kriminelëve serbë gjatë luftës 1998/99 për herë të shtatë ka dorëzuar në Prokurorinë Speciale të Kosovës,kallëzime penale kundër kriminele serbe.

Udhëheqësja e këtij grupi nga Gjakova Shkëndije Hoda tha se sot kanë dorëzuar të shtatin kontingjent me 61 dosje me rreth 100 dëshmi.

Sipas saj, dorëzimi i këtyre dosjeve ka pasur efekt, pasi që policia e Gjakovës ka filluar të marrë në pyetje dëshmitarët.

Ajo ka bërë të ditur se në të ardhmen do vazhdojnë me dorëzimin e këtyre kallëzimeve penale deri në dosjen e fundit.