Prizren Post - Nga qendra e Ballkanit!

Në Kosovë nuk dinë shkrim e lexim mbi 3 % e popullatës

Prizren Post | 10:51 - 08.09.2014

  •  
  •  
  •  
  •  
  •  
  •  
  •  
  •  

Kosovë – Dita Ndërkombëtare për avancim të shkrim-leximit e cila shënohet çdo vit me 8 shtator ka për qëllim që të ngris vëmendjen e opinionit ndërkombëtar në lidhje me problemin e analfabetizmit.

Dita Ndërkombëtare për avancim të shkrim-leximit e cila shënohet çdo vit me 8 shtator ka për qëllim që të ngris vëmendjen e opinionit ndërkombëtar në lidhje me problemin e analfabetizmit i cili fatkeqësisht si proces është prezent në shumë shoqëri.Dita Ndërkombëtare për avancim të shkrim-leximit rrjedh nga Konferenca botërore e ministrave të arsimit e organizuar ne shtatori i vitit 1965 në Tehranë e cila temë boshte kishte zhdukjen e analfabetizmit, ndërsa UNESCO si ditë ndërkombëtare e shënon nga viti 1966 me qëllim të promovimit të rëndësisë së arsimimit të fëmijve dhe të rritura.

Sipas të dhënave të UNESCO rreth 775 milionë persona të rritur në planet nuk kanë as minimumin e nivelit të shkollimit, 1 në 5 persona të rritur janë analfabet nga të cilët 2/3 janë femra. Rreth 75 milionë fëmijë nuk vijojnë shkollimin, nuk ndjekin rregullisht shkollimin ose e kanë braktisur tërësisht atë.

Në Kosovë sipas regjistrimit të popullsisë 2011, janë evidentuar gjithësie 55001 persona që nuk dinë shkrim-lexim që përbënë 3.2% të numrit të përgjithshëm të popullsisë dhe 3.9% të grupmoshave mbi 10 vjet.

Arsimi në Kosovë nuk është i nivelit cilësor ku arsimi fillor ka pjesëmarrjen më të lartë sa i përket përgatitjes shkollore të popullsisë dhe përbën 38.2%, ai i mesëm 24.3% dhe ai i lart 9.3% (vetëm 0.8% me magjistratur- master dhe doktorata).

Shqetësuese janë edhe të dhënat nga braktisja e shkollimit dhe mos regjistrimi i nxënësve në shkollën e mesme duke e vështirësuar kështu edhe më tepër situatën sa i përket nivelit të shkollimit.

Për nder të Ditës Ndërkombëtare të Shkrim-Leximit, Programi për Arsimi Themelor i USAID-it organizon për herë të tretë “Panairin e Librit për Fëmijë”, ku botuesit do të shfaqin libra për fëmijë./RTK/


Bëni një koment

Arivisti Company