Prizren Post - Nga qendra e Ballkanit!

Presidentja takoi krerët e institucioneve të vendit

Prizren Post | 17:24 - 15.01.2015

Prishtinë – Presidentja Atifete Jahjaga pati një takim të përbashkët me krerët e institucioneve të vendit, kryetarin e Kuvendit, Kadri Veseli, kryeministrin, Isa Mustafa dhe ministrin e Drejtësisë, Hajredin Kuçi.

Presidentja Atifete Jahjaga pati një takim të përbashkët me krerët e institucioneve të vendit, kryetarin e Kuvendit, Kadri Veselin, kryeministrin, Isa Mustafën dhe ministrin e Drejtësisë,Hajredin Kuçin, për të bashkërenduar veprimet dhe obligimet institucionale dhe ligjore për krijimin e Gjykatës Speciale. Për shkak të vizitës jashtë vendit, Presidentja Jahjaga po ashtu ka takuar gjatë ditës Zëvendëskryeministrin, zotëri Hashim Thaçin.

Në këtë takim, krerët e institucioneve të Republikës së Kosovës u pajtuan që krerë institucionalë të krijojnë një ekip të përbashkët teknik për të shqyrtuar dokumentet e nevojshme për themelimin e Gjykatës Speciale, krijimi i së cilës tashmë është aprovuar nga Kuvendi i Republikës së Kosovës.

Udhëheqësit e institucioneve të Republikës së Kosovës theksuan nevojën për një konsensus të përgjithshëm në etapa të ndryshme të zbatimit të këtij obligim ndërkombëtar të Kosovës.


Arivisti Company