{"id":107329,"date":"2026-04-22T09:20:29","date_gmt":"2026-04-22T06:20:29","guid":{"rendered":""},"modified":"2026-04-22T09:20:29","modified_gmt":"2026-04-22T06:20:29","slug":"nga-baki-goxhaj-une-islamiku","status":"publish","type":"post","link":"https:\/\/prizrenpost.com\/al\/nga-baki-goxhaj-une-islamiku\/","title":{"rendered":"Nga Baki Goxhaj: Un\u00eb, islamiku!"},"content":{"rendered":"
\"Nga<\/figure>\n

N\u00eb oborrin e shkoll\u00ebs pedagogjike \u201cPandeli Sotiri\u201d, m\u00ebsuesja e fizik\u00ebs, Etleva, mbiemri i s\u00eb cil\u00ebs e ka l\u00ebn\u00eb tashm\u00eb kujtes\u00ebn time, i pat shpjeguar nj\u00eb her\u00eb gjith\u00eb kompetenc\u00eb nj\u00eb kolegeje ndryshimin midis termit mysliman dhe islamik, duke komentuar p\u00ebr nj\u00eb \u00e7ift t\u00eb rinjsh mysliman\u00eb q\u00eb po kalonin para shkoll\u00ebs, ai nj\u00eb mjekrosh me pantallona t\u00eb shkurtuara kurse ajo kok\u00eb e k\u00ebmb\u00eb me t\u00eb zeza. M\u2019u desh\u00ebn m\u00eb shum\u00eb se dy dekada p\u00ebr ta d\u00ebgjuar p\u00ebrs\u00ebri k\u00ebt\u00eb term n\u00eb nj\u00eb intervist\u00eb t\u00eb Arbana Osmanit me Ben Blushin, ku diskutonin t\u00eb shkujdesur p\u00ebr ndryshimet mes nj\u00eb myslimani dhe nj\u00eb islamiku. Blushi e p\u00ebrdor k\u00ebt\u00eb term vazhdimisht n\u00eb Facebook gjithashtu.<\/p>\n

Me \u00e7\u2019mbaj mend nga m\u00ebsuese Etleva dhe \u00e7\u2019kuptoj nga shpjegimi i Blushit, islamik \u00ebsht\u00eb \u00e7do besimtar mysliman q\u00eb, n\u00ebse mund t\u00eb citoj Alban Dudushin, \u201cka shfaqje t\u00eb huaja\u201d. Dudushi e thot\u00eb k\u00ebt\u00eb n\u00eb nj\u00eb Top Story t\u00eb hersh\u00ebm, q\u00eb nuk e kam harruar kurr\u00eb, duke folur p\u00ebr pantallonat mbi ky\u00e7 dhe mjekrat jokonvencionale t\u00eb disa besimtar\u00ebve mysliman\u00eb. Kjo p\u00ebrfshin edhe komportimet publike jokonvencionale, si\u00e7 p\u00ebrmend Blushi p\u00ebr shembull, t\u00eb moszhveshurit n\u00eb plazh. Pra, n\u00eb thelb, islamiku \u00ebsht\u00eb nj\u00eb mysliman doemos ekstremist q\u00eb prish komfortin vizual t\u00eb tjetrit.<\/p>\n

\u00cbsht\u00eb intrigues fakti se nga hyri ky term n\u00eb gjuh\u00ebn shqipe p\u00ebr t\u00eb sh\u00ebnjuar besimtar\u00eb mysliman\u00eb. Teoria ime \u00ebsht\u00eb kjo: Termin islamik e gjejm\u00eb normalisht n\u00eb togfjal\u00ebsh si: militant islamik, ekstremist islamik dhe terrorist islamik. Prandaj, si\u00e7 Benjamini \u00ebsht\u00eb b\u00ebr\u00eb Ben, edhe militanti apo ekstremisti islamik \u00ebsht\u00eb shkurtuar n\u00eb islamik.<\/p>\n

Vlen t\u00eb theksohet q\u00eb cil\u00ebsori islamik nuk \u00ebsht\u00eb shtremb\u00ebrim i termit islamist, por nj\u00eb neologjiz\u00ebm i fresk\u00ebt. Edhe pse nj\u00eb n\u00ebnndarje e p\u00ebrftuar p\u00ebr s\u00eb jashtmi nga orientalizmi per\u00ebndimor, termi islamist, q\u00eb sh\u00ebnjon dik\u00eb q\u00eb nuk e sheh Islamin vet\u00ebm nj\u00eb fe t\u00eb sfer\u00ebs private por edhe asaj publike, ka nj\u00eb kuptim t\u00eb p\u00ebrcaktuar qart\u00eb dhe p\u00ebrdorim neutral gjuh\u00ebsor sipas atij kuptimi.<\/p>\n

Nd\u00ebrsa termi \u201cislamik\u201d p\u00ebrdoret vet\u00ebm me konotacion negativ. I shk\u00ebputur nga emrat t\u00eb cilat ai p\u00ebrshkruan, islamiku vazhdon ta mbart\u00eb ngarkes\u00ebn kuptimore mbi supe, duke n\u00ebnkuptuar k\u00ebshtu q\u00eb ai \u00ebsht\u00eb estetikisht i huaj, fanatik n\u00eb bindje dhe potencialisht i dhunsh\u00ebm. Pra, n\u00eb thelb islamik \u00ebsht\u00eb nj\u00eb eufemiz\u00ebm p\u00ebr fjal\u00ebn ekstremist.<\/p>\n

Ne, shqiptar\u00ebt, e kemi nj\u00eb far\u00eb tradite t\u00eb identifikimit t\u00eb tjetrit fetarisht me nofka si\u00e7 jan\u00eb em\u00ebrtimet turk dhe kaur. Edhe pse k\u00ebto terma mund t\u00eb jen\u00eb ngjizur n\u00eb kontekste armiq\u00ebsore dhe kan\u00eb nj\u00eb far\u00eb ngarkese negative, ato identifikojn\u00eb nj\u00eb komunitet t\u00eb t\u00ebr\u00eb p\u00ebrball\u00eb, pa pretendime p\u00ebr ta ndar\u00eb apo riorganizuar at\u00eb. Termi islamik vepron ndryshe. Ai nuk p\u00ebrdoret p\u00ebr t\u00eb p\u00ebrjashtuar mysliman\u00ebt si komunitet n\u00eb t\u00ebr\u00ebsi, por p\u00ebr t\u2019i ndar\u00eb ata mes veti, duke prodhuar nj\u00eb hierarki t\u00eb brendshme morale: disa jan\u00eb \u201cmysliman\u00eb t\u00eb pranuesh\u00ebm\u201d, t\u00eb tjer\u00eb \u201cislamik\u00eb\u201d \u2013 pra problematik\u00eb, t\u00eb tep\u00ebrt, ose t\u00eb pad\u00ebshiruar.<\/p>\n

N\u00eb k\u00ebt\u00eb kuptim, dallimi nuk \u00ebsht\u00eb thjesht terminologjik, por strukturor. Nd\u00ebrkoh\u00eb q\u00eb turku dhe kauri sh\u00ebnjonin nj\u00eb vij\u00eb ndar\u00ebse mes komuniteteve, islamiku sh\u00ebrben p\u00ebr t\u00eb cop\u00ebzuar nj\u00eb komunitet t\u00eb vet\u00ebm, duke e ekspozuar at\u00eb ndaj gjykimit, disiplinimit dhe n\u00ebn\u00e7mimit t\u00eb vazhduesh\u00ebm nga jasht\u00eb.<\/p>\n

P\u00ebrdorimi i dy em\u00ebrtime p\u00ebr t\u00eb nj\u00ebjtin komunitet \u00ebsht\u00eb nj\u00eb mekaniz\u00ebm i njohur, duke e ndar\u00eb at\u00eb m\u00eb dysh, ku nj\u00ebri term sh\u00ebrben p\u00ebr t\u00eb identifikuar \u201ct\u00eb pranueshmit\u201d, nd\u00ebrsa tjetri p\u00ebr t\u00eb stigmatizuar \u201ct\u00eb papranueshmit\u201d. Serb\u00ebt na ndajn\u00eb ne n\u00eb \u201cAlbanci\u201d dhe \u201c\u0160iptari\u201d. Ne, po ashtu, i ndajm\u00eb serb\u00ebt n\u00eb \u201cSerb\u00eb\u201d dhe \u201cShkie\u201d. Edhe brenda vendit, gjat\u00eb regjimit komunist, i nj\u00ebjti funksion \u00ebsht\u00eb kryer nga etiketime si \u201canadollak\u201d apo \u201cturkoshak\u201d, t\u00eb cilat synonin t\u00eb paraqisnin nj\u00eb pjes\u00eb t\u00eb shqiptar\u00ebve si kulturalisht inferior\u00eb dhe t\u00eb huaj ndaj identitetit komb\u00ebtar.<\/p>\n

Kjo ndarje nuk thjesht\u00eb terminologjike, por hierarki morale e fshehur n\u00eb gjuh\u00eb.<\/p>\n

T\u00eb nj\u00ebjt\u00ebn logjik\u00eb riprodhon cil\u00ebsori islamik n\u00eb diskursin ndaj mysliman\u00ebve. Termi mysliman ruhet p\u00ebr figur\u00ebn e but\u00eb, t\u00eb padukshme, t\u00eb pranueshme p\u00ebr syt\u00eb e shumic\u00ebs kulturore, nd\u00ebrsa islamik p\u00ebrdoret si etiket\u00eb p\u00ebr ata q\u00eb dallojn\u00eb n\u00eb pamje, praktik\u00eb apo q\u00ebndrime \u2013 pra p\u00ebr mysliman\u00ebt q\u00eb \u201cnuk na p\u00eblqejn\u00eb\u201d. Pra, si nofk\u00eb morale, me funksion p\u00ebrjashtues dhe denigrues.<\/p>\n

Cil\u00ebsori \u201cislamik\u201d, mesa duket nga shkujdesja natyrale e intervist\u00ebs s\u00eb Arban\u00ebs dhe Blushit, \u00ebsht\u00eb b\u00ebr\u00eb pjes\u00eb e zhargonit t\u00eb elit\u00ebs politiko-kulturore shqiptare. Kjo elit\u00eb, kryesisht indiferente rreth fes\u00eb islame, dhe n\u00eb rolin e kolonizatorit kulturor euroatlantik, i ka dh\u00ebn\u00eb kompetenca vetes t\u2019i klasifikoj\u00eb ithtar\u00ebt e Islamit n\u00eb Shqip\u00ebri n\u00eb t\u00eb pranuesh\u00ebm dhe t\u00eb papranuesh\u00ebm mbi kritere kryesisht estetike.<\/p>\n

Ne q\u00eb kemi qen\u00eb besimtar\u00eb mysliman\u00eb vizualisht t\u00eb dalluesh\u00ebm pas 11 Shtatorit 2001, e kujtojm\u00eb me hilaritet arsenalin e sharjeve q\u00eb vinin nga vulgu rrug\u00ebve t\u00eb qytetit si: taleban, binlanden e t\u00eb ngjashme. Disa syresh si: mjekrosh\u00ebt, radikal\u00ebt, fanatik\u00ebt, vazhdojn\u00eb t\u00eb qarkullojn\u00eb n\u00eb komentet publike t\u00eb platformave online. Ndryshe nga k\u00ebto ofendime t\u00eb r\u00ebndomta, duket se nj\u00eb pjes\u00eb e elit\u00ebs kulturore ka p\u00ebrzgjedhur em\u00ebrtimin islamik p\u00ebr t\u00eb shprehur p\u00ebr\u00e7mimin e saj ndaj nj\u00eb pjese t\u00eb komunitetit mysliman, nj\u00eb term ky n\u00eb dukje m\u00eb i sofistikuar, por n\u00eb thelb, m\u00eb i d\u00ebmsh\u00ebm kulturalisht dhe politikisht.<\/p>\n

Normalizimi i termave t\u00eb till\u00eb posht\u00ebrues p\u00ebr mysliman\u00ebt \u00ebsht\u00eb pap\u00ebrgjegjshm\u00ebri epike, q\u00eb mbjell dhe kristalizon n\u00eb vet\u00ebdijen e qytetar\u00ebve shqiptar\u00eb iden\u00eb se \u00ebsht\u00eb normale t\u00eb shohin shtremb\u00ebr apo, m\u00eb keq se kaq, t\u00eb diskriminojn\u00eb qytetar\u00eb t\u00eb tjer\u00eb q\u00eb duken apo sillen ndryshe p\u00ebr arsye fetare. K\u00ebt\u00eb e shpjegon m\u00eb qart\u00eb eksperti shqiptar i islamofobis\u00eb, Enes Neza kur thot\u00eb:<\/p>\n

Normalizimi i k\u00ebtij diskursi islamofob ndikon drejtp\u00ebrdrejt n\u00eb form\u00ebsimin e paragjykimeve dhe n\u00eb p\u00ebrforcimin e perceptimeve negative ndaj Islamit dhe mysliman\u00ebve te pjesa tjet\u00ebr e shoq\u00ebris\u00eb. E ky normalizim vjen me kosto t\u00eb lart\u00eb p\u00ebr t\u00eb drejtat dhe lirit\u00eb e mysliman\u00ebve, sepse krijon nj\u00eb klim\u00eb ku gjuha e urrejtjes dhe e diskriminimit legjitimohet dhe duket e pranueshme.<\/p>\n

T\u00eb gjendur p\u00ebrpara k\u00ebtij fakti, \u00ebsht\u00eb e udh\u00ebs q\u00eb p\u00ebrdorimi i epiteteve t\u00eb tilla diskriminuese t\u00eb mos normalizohet n\u00eb shoq\u00ebrin\u00eb ton\u00eb, sepse pik\u00ebrisht normalizimi i tyre ka potencialin t\u00eb prodhoj\u00eb paragjykim, margjinalizim dhe dhun\u00eb.<\/p>\n

Ata q\u00eb pavet\u00ebdijsh\u00ebm e ken\u00eb b\u00ebr\u00eb pjes\u00eb t\u00eb fjalorit t\u00eb tyre k\u00ebt\u00eb term, \u00ebsht\u00eb koha ta fshijn\u00eb nga aty bashk\u00eb me iden\u00eb e diskredituar tashm\u00eb t\u00eb dhun\u00ebs potenciale q\u00eb mund t\u2019u vij\u00eb nga besimtari mysliman. Kjo ide u ngjiz dhe i sh\u00ebrbeu shk\u00eblqyesh\u00ebm pushtimit dhe p\u00ebrdhosjes s\u00eb shum\u00eb vendeve myslimane me pasoja katastrofike civil\u00ebsh, por tashm\u00eb e ka gjetur vendin p\u00ebrfundimtar n\u00eb koshin e plehrave t\u00eb historis\u00eb.<\/p>\n

Nd\u00ebrsa nga vet\u00eb Blushi nuk pritet ndonj\u00eb reflektim serioz mbi gjuh\u00ebn dhe ndarjet q\u00eb ai prodhon. Ai ka qen\u00eb koherent n\u00eb anti-myslimanizmin e tij tejt\u00ebhu. K\u00ebmb\u00ebngulja e tij n\u00eb p\u00ebrdorimin e termit \u201cislamik\u201d si etiket\u00eb p\u00ebr\u00e7muese, ndarja e mysliman\u00ebve n\u00eb t\u00eb pranuesh\u00ebm dhe t\u00eb papranuesh\u00ebm, si dhe pozicionimi i vetes si arbit\u00ebr i k\u00ebsaj ndarjeje, nuk jan\u00eb rr\u00ebshqitje aksidentale, por pjes\u00eb se strategjis\u00eb s\u00eb tij t\u00eb marketingut provokativ p\u00ebr t\u00eb t\u00ebrhequr v\u00ebmendje dhe p\u00ebr t\u00eb promovuar librin e tij t\u00eb fundit, titulli i t\u00eb cilit duhet t\u00eb kishte qen\u00eb, m\u00eb p\u00ebrfaq\u00ebsuesh\u00ebm, \u201cJam islamik\u201d.<\/p>\n

\n

Burimi: tesheshi<\/strong><\/p>\n","protected":false},"excerpt":{"rendered":"

N\u00eb oborrin e shkoll\u00ebs pedagogjike \u201cPandeli Sotiri\u201d, m\u00ebsuesja e fizik\u00ebs, Etleva, mbiemri i s\u00eb cil\u00ebs e ka l\u00ebn\u00eb tashm\u00eb kujtes\u00ebn time, i pat shpjeguar nj\u00eb her\u00eb gjith\u00eb kompetenc\u00eb nj\u00eb kolegeje ndryshimin midis termit mysliman dhe islamik, duke komentuar p\u00ebr nj\u00eb \u00e7ift t\u00eb rinjsh mysliman\u00eb q\u00eb po kalonin para shkoll\u00ebs, ai nj\u00eb mjekrosh me pantallona t\u00eb […]<\/p>\n","protected":false},"author":1,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[8],"tags":[],"class_list":["post-107329","post","type-post","status-publish","format-standard","hentry","category-opinione"],"_links":{"self":[{"href":"https:\/\/prizrenpost.com\/al\/wp-json\/wp\/v2\/posts\/107329","targetHints":{"allow":["GET"]}}],"collection":[{"href":"https:\/\/prizrenpost.com\/al\/wp-json\/wp\/v2\/posts"}],"about":[{"href":"https:\/\/prizrenpost.com\/al\/wp-json\/wp\/v2\/types\/post"}],"author":[{"embeddable":true,"href":"https:\/\/prizrenpost.com\/al\/wp-json\/wp\/v2\/users\/1"}],"replies":[{"embeddable":true,"href":"https:\/\/prizrenpost.com\/al\/wp-json\/wp\/v2\/comments?post=107329"}],"version-history":[{"count":0,"href":"https:\/\/prizrenpost.com\/al\/wp-json\/wp\/v2\/posts\/107329\/revisions"}],"wp:attachment":[{"href":"https:\/\/prizrenpost.com\/al\/wp-json\/wp\/v2\/media?parent=107329"}],"wp:term":[{"taxonomy":"category","embeddable":true,"href":"https:\/\/prizrenpost.com\/al\/wp-json\/wp\/v2\/categories?post=107329"},{"taxonomy":"post_tag","embeddable":true,"href":"https:\/\/prizrenpost.com\/al\/wp-json\/wp\/v2\/tags?post=107329"}],"curies":[{"name":"wp","href":"https:\/\/api.w.org\/{rel}","templated":true}]}}