Kombëtarja e Marokut ka tërhequr vëmendjen në Kupën e Botës me një rekord të veçantë që pasqyron ndikimin e madh të diasporës në futbollin e vendit.

Në ndeshjen ndaj Brazilit, e cila përfundoi me rezultat 1-1, përzgjedhësi Mohamed Ouahbi aktivizoi një formacion startues ku dhjetë nga njëmbëdhjetë futbollistët kishin lindur jashtë Marokut. Vetëm mesfushori Azzedine Ounahi, i lindur në Casablanca, ishte futbollisti i vetëm i lindur në vend.

Lojtarët e tjerë të formacionit vijnë nga vende të ndryshme si Franca, Spanja, Belgjika, Holanda dhe Kanadaja, duke reflektuar lidhjen e fortë të diasporës marokene me ekipin kombëtar.

Ky fenomen është rezultat i viteve të tëra investimi dhe zhvillimi të talenteve në akademitë evropiane, ku shumë futbollistë me origjinë marokene janë formuar profesionalisht përpara se të zgjedhin të përfaqësojnë vendin e prejardhjes së familjeve të tyre.

Pavarësisht se shumica e lojtarëve kanë lindur jashtë vendit, ata treguan një paraqitje të nivelit të lartë ndaj Brazilit, duke siguruar një pikë të rëndësishme dhe duke dëshmuar se identiteti sportiv shkon përtej vendlindjes.

Burimi: 04online