Xherdan Shaqiri është i bindur se Inter është superior ndaj Celtic, por se Nerazzurrët nuk do t’i nënvlerësojnë skocezët.

Interi barazoi 3-3 në Glasgow në ndeshjen e parë të Europa League të zhvilluar javën e kaluar në Parkhead dhe do të jetë nikoqir i ndeshjes së kthimit që zhvillohet të enjten në San Siro.

“Realiteti është se ne kemi bërë një gabim të madh kundër Celtic, por ne nuk do ta përsërisim në Itali”, ka thënë Shaqiri për Daily Record, transmeton Telegrafi.

“Ne menduam se ndeshja ishte fituar dhe mbase nuk treguam respektin e merituar për Celtic”.

“Në Itali nëse kalojmë dy, tre ose katër gola në avantazh do të qëndrojnë të fokusuar. Ne do ta bëjmë kundër Celtic, pasi ata treguan se janë më se të aftë të shënojnë gola”, ka thënë shqiptari me nënshtetësi zvicerane.