PRISHTINE – Lëvizja Vetëvendosje dje ka mbajtur mbledhjen e XLIX të Këshillit të Përgjithshëm, ku zgjedhur kryesinë e re të partisë me mandat katër vjeçar.

Listës me anëtarët e ri të kryesisë, i prin kryetari i këtij subjketi Albin Kurti.

Kësaj here janë vërejtur ndryshme në strukturën e re të LVV-së, ku jashtë kryesisë kanë mbetur disa prej figurave kyçe të partisë.

Liburn Aliu, Hydajet Hyseni e Arbër Rexhaj janë ermat që kanë mbetur jashtë kryesisë së re të LVV-së, e që më parë ishin pjesë e saj.

Emrat e rinj që ju shtuan kryesisë së LVV-së janë: Alban Hyseni, Hekuran Murati, Saranda Bogujevci e Alim Rama.

Kurti gjatë fjalimit të tij para anëtarëve të LVV-së kujtoi të arriturat që kanë shënuar si organizatë politike me kryesinë që dje përfundoi mandatin.

“Dyfishimi i anëtarësisë prej 29.633 anëtarë sa i kishim në vitin 2018 në 59.882 anëtarë që i kemi të regjistruar e të verifikuar. 178 pika të reja, pra nga 307 sa i kishim në 485 pika në të gjithë Kosovën. Protestën më të madhe në Kosovën e pasluftës «Një popull s´i nënshtrohet një njeriu». Fushatën e suksesshme kundër PAN-hajnisë me 2019. Vendin e parë në zgjedhje nacionale në tetor të vitit 2019. Formimin e qeverisë së parë të udhëhequr nga Lëvizja Vetëvendosje! në vitin 2020. Fitimin me rezultat historik mbi 50% në zgjedhjet e shkurtit 2021. Dhe qeverisjen që sot e kemi në drejtimin e Lëvizja Vetëvendosje! që është në aleancë me Guxo e Alternativën”, tha Kurti.

Kujtojmë që para disa ditëve u mbajtën zgjedhjet e brendshme të kësaj partie, ku në krye të saj u rizgjodh Albin Kurti, njëherësh kryeministër i Kosovës.