Arijon Ibrahimovic largohet nga Bayern, kalon te Augsburgu në huazim


E hënë, 31 Gusht 2026
Arijon Ibrahimovic largohet nga Bayern, kalon te Augsburgu në huazim

Futbollisti me prejardhje shqiptare, Arijon Ibrahimović, është shumë pranë transferimit te Augsburgu, pasi klubi gjerman ka arritur marrëveshje me Bayern Munichun për huazimin e tij.

20-vjeçari pritet t’i nënshtrohet testeve mjekësore gjatë pasdites, pas së cilës marrëveshja pritet të zyrtarizohet.

Sipas raportimeve, marrëveshja përfshin edhe opsionin e blerjes së kartonit në fund të sezonit, me shumën e raportuar prej rreth 8 milionë eurosh. Bayern Munichu do të përfitojë gjithashtu rreth 500 mijë euro nga huazimi, shkruan 04 Online.

Ibrahimović, i cili është produkt i akademisë së Bayern Munichut, kërkon më shumë minuta në Bundesliga dhe Augsburgu shihet si një mundësi e mirë për të vazhduar zhvillimin e tij.

Në sezonin e kaluar, ai ishte i huazuar te Heidenheimi, ndërsa këtë verë kishte marrë pjesë rregullisht në përgatitjet e Bayern Munichut./04 Online/


Burimi: 04online

Kërko ndihmë për trajtim shëndetësor jashtë vendit
Të fundit