Prizren Post - Nga qendra e Ballkanit!

Evidentohen tejkalime të reja në rindërtimin e Teqes në Marash

Prizren Post | 23:55 - 20.06.2018

  •  
  •  
  •  
  •  
  •  
  •  
  •  
  •  

Prizren – Punimet për rindërtimin e Teqes, të cilat janë duke u zhvilluar brenda kompleksit të mbrojtur të Marashit, nuk janë duke iu përmbajtur kushteve të përcaktuara nga institucionet përgjegjëse të trashëgimisë kulturore dhe njëkohësisht këto punime janë duke e shkelur Ligjin për Qendrën Historike të Prizrenit.

Në bazë të projektit të siguruar në QRTK Prizren, shihet se kulmi ka tejkalim në krahasim me projektin e dorëzuar në Komisionin e MKRS-së dhe me të cilën është siguruar leja për rindërtim të Teqes në Marash, njofton EC Ma ndryshe.

EC, në nëntor të vitit të kaluar bashkërisht edhe me konstatimet e QRTK Prizren pati reaguar ndaj mosnjoftimit të investitorit ndaj QRTK-së për fillimin e punimeve si dhe tejkalimeve në ndryshim të morfologjisë së terrenit. Për më tepër shih reagimin.

EC konsideron se institucionet qendrore përgjegjëse për trashëgimi kulturore bashkërisht me Komunën e Prizrenit duhet ti monitorojnë aktivitetet ndërtimore në Qendrën Historike të Prizrenit. Për më tepër EC i bën thirrje Inspektoratit të MKRS-së dhe atij të Komunës së Prizrenit që t’i evidentojnë tejkalimet në projektet e aprovuara dhe të marrin masa sipas dispozitave ligjore përkatëse.


Etiketa:

Bëni një koment