Prizren Post - Nga qendra e Ballkanit!

Homazhe te varri i Astrit Deharit në dyvjetorin e vdekjes

Prizren Post | 13:32 - 05.11.2018

  •  
  •  
  •  
  •  
  •  
  •  
  •  
  •  

PRISHTINË – Aktivistë të Lëvizjes Vetëvendosje, familjarë, dhe miq kanë bërë homazhe sot tek varri i Astrit Deharit në dyvjetorin e vdekjes së tij.

Kryetari i Vetëvendosjes Albin Kurti ka deklaruar se drejtësia e Astritit në Kosovë është vet liria.

“ Astriti ishte i lëvizjes e tash jemi ne të tij. Ka qenë i studentëve, i shoqërisë dhe i kombit, i të varfërit dhe i të papunit, i të gjithëve përveç i vetes së tij. Astriti nuk ka qenë , por është. Është frymë që na shtyn, nuk na mungon neve, vetëm ne mund t’i mungojmë atij. I përkulemi me mall”, tha Kurti.

Babai i Astritit, Avni Dehari, ka falënderuar të gjithë pjesëmarrësit duke thënë se mbështetja e tyre i bën krenarë.

Përpos homazheve të varrezat, aktivistë të VV-së do ta vizitojnë edhe familjen Dehari si dhe do të vendosin tabelën në një rrugë të Prishtinës me emrin “Arbënor dhe Astrit Dehari”.

Astrit Dehari ka vdekur më 5 nëntor të vitit 2016 në qendrën e paraburgimit në Prizren në rrethana ende të paqarta.


Etiketa:
Arivisti Company