Ministri i Mbrojtjes së Iranit, Aziz Nasserzadeh tha se disa shërbime të huaja të inteligjencës, përfshirë ato të SHBA-së dhe Izraelit, kanë ndarë buxhete të posaçme për provokatorët për të shkaktuar trazira në të gjithë vendin, transmeton Anadolu.

Sipas televizionit shtetëror iranian, Nasserzadeh tha demonstratat që u shndërruan në ngjarje anti-regjim në vend. “Kemi informacione të qarta se SHBA-ja, regjimi sionist dhe disa vende aleate kanë krijuar një qendër dialogu për të formësuar të ardhmen e separatistëve dhe terroristëve. Ata madje planifikuan që çdo rajon i ndarë të shkruante kushtetutën e vet. Ata drejtuan kontrabandën e armëve dhe mbështetjen financiare dhe logjistike”, tha ai.

Nasserzadeh deklaroi se ata kanë informacione të inteligjencës që tregojnë se takime të përbashkëta janë mbajtur në një nga vendet rajonale me qëllim krijimin e trazirave në Iran dhe se në këto takime, SHBA-ja dhe disa shërbime të inteligjencës perëndimore paraqitën plane të posaçme për rritjen e buxheteve.

“Në këtë takim, çmimet për aktet e shkatërrimit në Iran u përcaktuan si më poshtë: Vrasja e një personi kushtoi 500 milionë Toman (rreth 3.500 dollarë), djegia e një automjeti kushtoi 200 milionë Toman (rreth 1.400 dollarë), djegia e një stacioni policie kushtoi 80 milionë Toman (rreth 550 dollarë) dhe çdo lloj ngacmimi ose akti shqetësues kushtoi 15 milionë Toman (rreth 100 dollarë)”, tha Nasserzadeh.

Ai theksoi se u përcaktua se një person i ndaluar gjatë demonstratave mori 900 milionë Toman (rreth 6.200 dollarë) për këto akte dhe shtoi se provokatorët u dhanë drogë disa protestuesve, gjë që çoi në vdekje.

Burimi: mesazhi