Shteti i Kosovës do jetë shumë aktiv në përmbushjen e kritereve që në një të ardhme të shpejtë të jetë anëtare e Bashkimit Evropian (BE).

“Nëse e analizojmë këtë proces, përparësia e Kosovës është pasi Shqipëria dhe Maqedonia kanë ecur para dhe kjo do jetë një ndihmesë dhe lehtësim për institucionet e Kosovës. Them se Kosova do jetë befasi në procesin integrues për shkak se Shqipëria e ka kaluar këtë rrugë po ashtu edhe Maqedonia, ndërsa kjo do jetë një mbështetje logjistike e madhe për institucionet e Kosovës”, ka thënë profesori universitar Arsim Sinani, Sinani në tryezën shkencore me temën: “Kosova dhe Evropa Juglindore në dritën e integrimit evropian”.

Sinani, i cili e drejton Qendrën për Marrëdhënie Ndërkombëtare dhe Studime Ballkanike, më tej ka shtuar se Kosova e ka edhe më lehtë këtë proces, për shkak se ajo që sot është ndërtuar është në bashkëpunim me perëndim dhe sipas tij, shumë më lehtë do të ketë në këtë proces.