Shkup – “Qeveria e Maqedonisë përkrah qeverinë e zgjedhur demokratike në Ankara dhe ka sjell vendim në pajtueshmëri me legjislacionin vendorë.” u përgjigj ministri i punëve të jashtme i Maqedonisë Nikolla Poposki në pyetjen e gazetarëve nëse është sjellë vendim për mbylljen e organizatave terroriste FETO në Maqedoni dhe që janë të lidhura me Fetullah Gylenin.

Qeveria as nuk e demanton dhe as nuk e konfirmon informacionin se në seancën e fundit është sjell vendim për kufizimin e aktiviteteve të Gylenit dhe lidhjet e tij në vend, transmeton Prizren Post.

Pas tentimit të puçit në Turqi, agjencia shtetërore informative Anadolu përmes një publikimi njoftoi se ekziston rrjeti i organizatave terroriste FETO të Fetullah Gylenit në të gjitha vendet ballkanike. Mes të cilave edhe në Maqedoni, sipas njoftimeve të dhëna thuhet se ka shoqate e firma të arsimit, transportit, tregtisë, shëndetësisë dhe turizmit që janë të lidhura me FETO-n. Të parët në listë janë shkollat fillore dhe të mesme Jahja Kemal në Shkup, Tetovë, Gostivar, Strugë dhe Strumicë. Pastaj javorja ZAMAN Maqedoni si dhe organizata SEDEF e cila mban kurse në gjuhën turke.

Mes kompanive në listën e zezë turke janë edhe agjencia turistike Bashak, kompanija për transport Reinboj dhe brendi i marketeve Evar që gjenden në Shkup. Po ashtu mësohet se ministrat shqiptarë nga radhët e BDI-së kanë mbështetur kolegjin Jahja Kemal të Gylenit./Prizren Post/