Mërgim Mavraj është paraqitur këtë të premte në zyrat e klubit grek të Aris Selanik duke u prezantuar si afrimi i fundit i tyre.

Mbrojtësi i kombëtares shqiptare tashmë është zyrtarisht pjesë e Arisit të Selanikut.

Mavraj tash e disa muaj ishte në kërkim të një skuadre të re, pasi Hamburgu ia kishte shkëputur kontratën.

Shqiptari për herë të parë do të luajë në një shtet larg Gjermanisë, pasi ka bërë karrierë me klube si Bochum, Greuther Furth, FC Koln e Hamburger.

Mavraj te Arisi do ta ketë shok skuadre Migjen Bashën dhe të dy shqiptarët tashmë do të kërkojnë të lenë shenjë në elitën e futbollit grek.