Prizren Post - Nga qendra e Ballkanit!

Mustafa dhe Vuçiq ballafaqohen sërish nesër në Bruksel

Astrit Shehu | 13:51 - 28.06.2015

Delegacionet teknike të Kosovës dhe Serbisë do të provojnë sot në Bruksel të gjejnë përafrime për temat që nesër do të diskutohen në nivel kryeministrash, mes Isa Mustafës e Aleksandar Vuçiqit.

Delegacionet teknike të Kosovës dhe Serbisë do të provojnë sot në Bruksel të gjejnë përafrime për temat që nesër do të diskutohen në nivel kryeministrash, mes Isa Mustafës e Aleksandar Vuçiqit, me ndërmjetësim të shefes së diplomacisë evropiane, Frederica Mogherini.
Kosova dhe Serbia nesër do të provojnë të arrijnë marrëveshje për telekomunikacionin, të ashtuquajturin Park i Paqes, energjinë dhe Asociacionin e Komunave me shumicë serbe.

Komuniteti ndërkombëtar pret që kryeministrat Mustafa e Vuçiq, gjatë raundit të ardhshëm në Bruksel të arrijnë përparim konkret.

Të dy delegacionet, të udhëhequra nga kryeministrat Vuçiq e Mustafa do të takohen për herë të dytë brenda më pak se një jave, pas takimit të së martës së kaluar.

Në takimin e javës së kaluar palët arritën vetëm një marrëveshje, atë të policave të sigurimit për automjete, marrëveshje e cila lehtëson shumë lëvizjen e lirë të qytetarëve në të dy anët e kufirit Kosovë-Serbi, transmeton lajmi.net.


Etiketa:
Arivisti Company