Prizren Post - Nga qendra e Ballkanit!

Parlamenti i Holandës miratoi marrëveshjen për vendosjen e Speciales

Prizren Post | 00:51 - 23.10.2016

Parlamenti i Holandës ka miratuar Marrëveshjen ndërmjet Mbretërisë së Holandës dhe Republikës së Kosovës për themelimin e Institucionit të Gjykatës Speciale të Kosovës të Zhvendosur në Holandë dhe implementimin e ligjeve të Kosovës në Dhomat e Specializuara.

Léon van Schie, zyrtar për informim pranë Dhomave të Posaqme të Parlamentit të Holandës, i ka thënë TribunaChannel se propozimi është dërguar tek parlamenti në qershor, dhe se gjithçka është e kryer me 22 shtator sa i përket Dhomës së Përfaqësuesve.

Dhoma e Përfaqësuesve është dhoma kryesore e parlamentit në Holanë. Aty bëhet diskutimi i legjislacionit të propozuar dhe rishikimi i veprimeve të Qeverisë. Dhoma e Përfaqësuesve diskuton atë dhe, nëse miratohet nga një shumicë, e dërgon atë për në Senat.

“Propozimi është dërguar tek parlamenti në qershor e ndjekur nga një procedure e shkruar. Propozimi u pranua nga Parlamenti, pa një debat dhe votim në 22th shtator. Në Dhomën e Përfaqësuesve procedura është e kryer,” është përgjigjur Léon van Schie.

Por, ratifikimi i plotë i kësaj marrëveshjeje është parakusht për fillimin e aktiviteteve gjyqësore në Holandë.

Këtu është shprehur për TribunaChannel, Avis Benes, shef i informimit public në Dhomat e Specializuara të Kosovës.


Arivisti Company