Prizren Post - Nga qendra e Ballkanit!

Përkujtohet Beteja e Jeshkovës, Haskuka bëri homazhe në varrezat e dëshmorëve

Prizren Post | 14:08 - 11.03.2019

PRIZREN – Me rastin e përvjetorit të Betejës së Jeshkovës, sot kryetari i Komunës së Prizrenit, Mytaher Haskuka, i shoqëruar nga zyrtarë komunalë, deputetë, drejtorë, asamblistë dhe përfaqësues nga OVL të UÇK-së, kanë bërë homazhe dhe kanë vendosur buqeta me lule në varrezat e dëshmorëve në Landovicë, Atmaxhë dhe Jeshkovë.

Në një deklaratë për media, kryetari Haskuka deklaroi se Beteja e Jeshkovës është një prej betejave më të mëdha të regjionit të Prizrenit, ku kanë rënë 21 dëshmorë.

“Këta ranë dëshmorë për të mos vdekur kurrë, në mënyrë që ne të jetojmë të lirë dhe të gëzojmë këtë pavarësi që e kemi. Prandaj, ne jemi këtu në homazhe për të përkujtuar dhe falenderuar sakrificën e tyre, sepse shtetin që e kemi është i bazuar në gjakun e tyre dhe këtë nuk do ta harrojmë kurrë,” tha kryetari Haskuka.


Etiketa:
Arivisti Company