Prizren Post - Nga qendra e Ballkanit!

Pesëqind milionë euro kushton largimi i Costa Concordia

Prizren Post | 13:31 - 12.07.2013

Romë, 12 korrik – Largimi i anijes së përmbytur Costa Concordia nga ishulli italian Giglio, do të kushtoj 500 milionë euro, njoftoi të premten pronari i anijes, dikur, luksoze.

Tetëmbëdhjetë muaj pas katastrofës, kjo lundruese vazhdon të qëndroj e shtrirë në afërsi të bregdetit.

Ajo pritet të drejtohet gjatë muajit shtator, më pas të tërhiqet deri në port, dhe në fund të copëtohet e çmontohet.

Në korrik të vitit 2012, pronarja e anijes, kompania Costa Crociere, lajmëroi se largimi i lundrueses do të kushtoj 236 milionë euro. Në janar, vlerësimi ishte rritur në 400 milionë euro.

Banorët lokal presin me padurim që t’u largohet nga brigjet e detit anija e përmbytur, pasi e shohin me zymtësi dhe si rrezik për turizmin.

Anija Costa Concordia ngeci në shkëmbinjtë e bregdetit më 13 janar 2012.

Nga 4229 pasagjerë sa kishte në vete, 32 prej tyre vdiqën.

Gjykimi kundër kapitenit të anijes Francesco Schettino do të fillojë më 17 korrik.


Etiketa:
Arivisti Company