PËRBËRËSIT PËR 4 PERSONA:

• 2 speca të kuq të mëdhenj
• 50 g makarona “Risoni”
• 1 kungull
• 6 domate të vogla
• 10 kokrra ulliri
• 50 g djathë i bardhë
• 3 gjethe borziloku të freskët
• 1/2 limon
• vaj ulliri, kripë, Piper

PËRGATITJA:

1. Pasi i presim specat në mes, i pastrojmë nga fijet dhe farat, i vendosim në tavë dhe i pjekim për 10- 15 minuta në furrën e ngrohur më pare në temperaturë maksimale.
2. Ndërkohë, vendosim makaronat të ziejnë në ujë me kripë.
3. Më pas, në një tigan me pak vaj ulliri skuqim për 2-3 minuta kungullin e prerë në kubikë.
4. Presim domatet, ullinjtë, djathin dhe borzilokun dhe i hedhim në një enë.
5. Shtojmë aty kungujt e skuqur dhe makaronat e ziera. Hedhim kripë, piper, vaj ulliri dhe limon (lëngu dhe lëkura).
6. Më pas, vendosim specat e pjekur në pjatë, i mbushim me masën e përgatitur dhe i shërbejmë të ftohtë.

Burimi: mesazhi