Prizren Post - Nga qendra e Ballkanit!

Rrugëtimi drejt të ardhmes

Prizren Post | 12:24 - 08.01.2017

Prof. Eroll VELIJA

Ne simpatizojmë liderët që flasin për një të ardhme të mundshme në një mënyrë të qart për ne, që na përfshin. Udhëheqësit largpamës përdorin qartësinë e tyre të vizionit dhe flasin për një të ardhme të suksesshme, për të shmangur tek njerëzit dyshimin që lind nga vizioni afatshkurtër. Kështu ata mbjellin shpresën në popull dhe i japin një drejtim qëllimit të tyre.

Njerëzit duan që udhëheqësit të shohin përtej të sotmes. Ata duan që të ekzistojë një master plan, i mundshëm për tu realizuar, në të kundërt mbas çfarëdo gjykimi afatshkurtër lindin trazirat. P.sh. Recesioni – mund të themi se është peizazhi i çmendur i masmedias. Liderit janë ata që shprehin, në një mënyrë bindëse, një gjendje të qartë pozitive të së ardhmes, dhe orientojnë përpjekjet e tyre në atë drejtim. Kur liderët përqendrohen vetëm në krizën aktuale apo në rezultatet e një tremujori, na duket se ata janë më të interesuar për ruajtjen e status quo-së, ose mundohen të mbrojnë veten e tyre, pa menduar për krijimin e një të ardhme të suksesshme. Këta nuk janë udhëheqës.

Njerëzit dëshirojnë gjithashtu të shohin se largpamësia e liderit është i bazuar, në atë që është e nevojshme, e drejtë, dhe në të mirë të popullit dhe jo në atë që është e thjeshtë, e shpejtë, populiste.

Dëshirojnë të shohim se udhëheqësit tanë ‘”largpamës” janë fokusuar në të mirën e madhe, se vizioni i tyre promovon popullin dhe jo vetëm interesat e tyre egoiste. Një udhëheqës i vërtetë largpamës parashikon një të ardhme të mundshme që i përgjigjet dhe përputhet me aspiratat e njerëzve, për suksesin e tyre individual dhe kolektiv. Kur njerëzit kuptojnë vizionin e një lideri të mirë, reagimi i tyre është pozitiv, “Po, unë dua të …..” thonë ata.

Kjo nuk duhet nënkuptuar se lideri vizionar ofron thjesht një fitore të lehtë. Vizionarët e vërtetë shpesh shohim mundësitë, atje ku të tjerët shohin vetëm vështirësi. Vizioni i Henry Ford për një komb, ku çdo familje do të ketë një automobil dukej qesharak, në fillim të shekullit të kaluar, e pamundur, dhe madje edhe e rrezikshme. Vetëm qartësia e vizionit të tij dhe qëndrueshmëria e tij, mundi të sjell mbështetjen nga të tjerët, aq të nevojshme për të bërë vizionin e tij realitet.

*Opinionet e autorëve nuk paraqesin domosdoshmërisht edhe opinionin e Prizren Post.


Etiketa:
Arivisti Company