Prizren Post - Nga qendra e Ballkanit!

Tërnava: Ekstremizmi dhe terrorizmi s`kanë asgjë të përbashkët me fenë islame

Prizren Post | 15:30 - 10.12.2015

  •  
  •  
  •  
  •  
  •  
  •  
  •  
  •  

Prishtinë – Kryetari i Bashkësisë Islame të Kosovës, Nami Tërnava ka thënë se ndër prioritet e institucionit që ai drejton është kultivimi i tolerancës ndërfetare dhe ndër njerëzore.

Ai gjatë një takimi njoftues që ka zhvilluar me ambasadorin e ri të Austrisë në Kosovë, Gernot Pfandler, sipas komunikatës së BIK-ut, ka thënë se ekstremizmi, dhuna e terrorizmi nuk kanë asgjë të përbashkët me fenë islame.

“Bashkësia Islame e Kosovës ndër prioritet kryesore ka kultivimin e tolerancës dhe mirëkuptimin ndërfetar e ndërnjerëzor që besimtarët tanë të mos preken nga ekstremizmi. Ekstremizmi, dhuna, urrejtja e terrorizmin nuk ka asgjë të përbashkët me mësimet islame dhe traditën e Pejgamberit tonë, andaj është përgjegjësi e jona që besimtarëve t’ua sqarojmë drejt fenë islame, larg interpretimeve të ngushta dhe ekstreme që fenë e përdorin për interesa tjera,”tha myftiu Tërnava.

Ambasadori Gernot Pfandler falënderoi myftiun për pritjen, dhe shprehu interesimin për organizimin dhe funksionimin e BIK-ut.

Ai më tutje tha se institucionet dhe prijësit fetarë kanë rol të rëndësishëm në edukimin shpirtëror të masës së gjerë.


Etiketa:

Bëni një koment

Arivisti Company