E shtunë, 31 Tetor 2015
Gazeta e njohur The Economist në një shkrim të publikuar me titull “Sulltani në gji” dedikuar për presidentin e Turqisë Rexhep Tajip Erdogan dhe për aktualitetin social e politik të Turqisë bëri zhurmë në media.
The Economist bëri thirrje të hapur për popullin turk që në zgjedhjet e nesërme (1 nëntor) që do të mbahen në Turqi të mos e votojnë Partinë për Drejtësi dhe Zhvillim. Presidentin Erdogan e quan imperialist dhe e akuzon atë për prishje të imazhit të vendit. Ndër të tjera gazeta në fjalë shkruan se turqit duhet ta qortojnë duke votuar për kundërshtarët e tij.
Në artikullin skandaloz gazeta jep edhe “këshilla” se si aleatët e Turqisë nuk duhet ta ulin zërin ndaj ztr. Erdogan-it, raportin vjetor të Këshillit Europian që në vend se ta kritikojë Erdoganin për mungesë të demokracisë është shtyrë në heshtje.
“BE-ja duhet të bëjë të qartë se përparimi do të varet nga masat për të rivendosur liritë e plota demokratike në Turqi. Erdogan dhe qeveria e tij AK bëri shumë për të reformuar Turqinë dhe për të përmirësuar ekonominë e saj në vitet 2000. Por pas më shumë se një dekade në pushtet, ai nuk është më i mirë për vendin e tij”, – thuhet në artikullin e gazetës The Economist./Prizren Post/
Etiketa: Recep Tayyip Erdoğan, The Economist, Turqia