Ushtarët e FSK-së pushtuan majën Mont Blanc


E enjte, 4 Gusht 2022

Ministria e Mbrojtjes e Republikës së Kosovës, ka bërë të ditur sot se ushtarët e FSK-së janë ngjitur në majën më të lartë në Evropën Perëndimore, Mont Blanc.

Nga kjo ministria janë shprehur se ushtarakët përveç majave të suksesit në operacione arrijnë edhe majën më të lartë, Mont Blanc-un.

“Pas disa ditë ecje tejet sfiduese, ushtarakët e FSK-së, Besart Ejupi, Arben Rexhepi, Fatmir Tahiri, Kushtrim Hyseni dhe zyrtari i Ministrisë së Mbrojtjes, Flamur Arifaj, dje pushtuan me sukses Mont Blanc-un, majën më të lartë në Evropën Perëndimore, në lartësi prej 4810 m.

Ky është sukses i madh i djemve tanë të cilët përveç me angazhimin vetëmohues e profesionalizimin e lartë në operacione ushtarake, na bëjnë shumë krenar edhe me këtë sukses të jashtëzakonshëm.

Krenar me ju djema!

Forca për sfidat e sukseset e radhës!”, shkruan në njoftimin zyrtar.

Etiketa: ,

Leave a Reply