Të paktën 14 persona janë vrarë, përfshirë dy gra dhe dy fëmijë, si pasojë e sulmeve izraelite në jug të Libanit, njoftoi Ministria e Shëndetësisë e Libanit.

Sipas autoriteteve, edhe 37 persona të tjerë janë plagosur. Sulmet kanë goditur disa zona, përfshirë rajonet e Tirit, Nabatieh dhe Bint Jbeil, ku janë raportuar bombardime ajrore, granatime dhe të shtëna me armë zjarri.

Agjencia shtetërore e lajmeve bëri të ditur se ushtria izraelite ka kryer edhe shkatërrime të shtëpive dhe infrastrukturës, ndërsa në disa zona është raportuar edhe shkatërrimi i një xhamie dhe objektesh fetare.

Nga ana tjetër, Hezbollahu ka deklaruar se sulmet e tij ndaj pozicioneve izraelite janë në përgjigje të shkeljeve të vazhdueshme të armëpushimit nga Izraeli, duke pretenduar mbi 500 shkelje që nga 17 prilli.

Ndërkohë, ushtria izraelite ka njoftuar për vdekjen e një ushtari dhe plagosjen e gjashtë të tjerëve gjatë luftimeve në jug të Libanit.

Armëpushimi 10-ditor, i cili kishte hyrë në fuqi më 17 prill dhe ishte zgjatur për disa javë, duket se po shkon drejt dështimit mes përshkallëzimit të ri të dhunës. /mesazhi

Burimi: mesazhi