Ambasada e SHBA-së në Kosovë ka kujtuar hyrjen e NATO-s në Kosovë 26 vjet më parë, pas bombardimeve të suksesshme të caqeve serbe në Kosovë dhe Serbi.

Duke shënuar 12 qershorin e ’99-s si një pikë kthese, ambasada thotë se nderon qëndrueshmërinë e popullit të Kosovës.

“Sot shënohen 26 vjet që kur forcat e NATO-s hynë në Kosovë, duke sjellë shpresë, siguri dhe një rrugë drejt paqes. 12 qershori 1999 ishte një pikë kthese – një pikë që u lejoi familjeve të zhvendosura të ktheheshin dhe komuniteteve të fillonin rindërtimin. Në këtë përvjetor, ne nderojmë qëndrueshmërinë e popullit të Kosovës dhe angazhimin tonë të përbashkët për të ndërtuar një të ardhme të bazuar në paqe, siguri dhe prosperitet” thuhet në postimin e ambasadës.