Anëtarët e Organizatës së Vendeve Eksportuese të Naftës dhe aleatët e saj (OPEC+) vendosën të rrisin kuotat e prodhimit të naftës, pasi lufta në Lindjen e Mesme vazhdon të shkaktojë trazira në tregjet ndërkombëtare të energjisë.

OPEC+, që përfshin Arabinë Saudite, Rusinë dhe shumë vende të Gjirit që janë nën sulm nga Irani, vendosi të “rregullojë prodhimin e saj me 206,000 fuçi në ditë”, sipas deklaratës.

Në të njëjtën kohë, OPEC+ paralajmëroi se rivendosja e infrastrukturës energjetike të dëmtuar nga sulmet e fundit është e kushtueshme dhe “do të kërkojë kohë“, gjë që mund të ndikojë në furnizimet globale.

Në një deklaratë të lëshuar nga anëtarët e saj që u takuan sot, ata vunë në dukje se është thelbësore të mbrohen korridoret detare për të siguruar transportin e pandërprerë të hidrokarbureve. /tesheshi.com/

Burimi: tesheshi