Por cilat janë dy grupet që ende e mbështesin masivisht shtetin më pocaqi në histori

Kryeministri izraelit Benjamin Netanyahu po dëmton gjithnjë e më shumë reputacionin e Izraelit në Shtetet e Bashkuara, dhe konflikti aktual me Iranin po përkeqëson më tej marrëdhëniet me Uashingtonin, shkruan Axios.

Rënia e popullaritetit të Izraelit midis amerikanëve të rinj tani po ndihet në Kongres, ku ligjvënësit që dikur ishin fuqimisht pro-Izraelit po bëhen kritikë të hapur.

“Ne duhet të flasim se si të normalizojmë marrëdhënien dhe çfarë ndryshimesh janë të nevojshme; nuk ka dyshim për këtë,” tha demokrati i Colorado-s Jason Crow për Axios. Senatorët demokratë që po shqyrtojnë një kandidim për president në vitin 2028 votuan kundër një shitjeje të fundit të armëve për Izraelin. Një total prej 40 demokratësh në Senat mbështetën një rezolutë që bllokonte shitjen e armëve, krahasuar me vetëm 15 senatorë që votuan kundër saj në një votim të ngjashëm prillin e kaluar.

Senatori Ruben Gallego i Arizona-s i tha Punchbowl News se Netanyahu po “shkatërron mbështetjen dypartiake për Izraelin”. Në Dhomën e Përfaqësuesve, një numër në rritje demokratësh po kundërshtojnë gjithashtu ndihmën mbrojtëse, duke përfshirë financimin për sistemin mbrojtës raketor Iron Dome të Izraelit. “Katër vjet më parë, kjo konsiderohej jashtëzakonisht margjinale”, tha përfaqësuesi Maxwell Frost i Florida-s.

Shumë demokratë që mbështetën Iron Dome në vitin 2021 tani thonë se nuk duan më të ofrojnë ndihmë financiare. Republikanët më të vjetër dhe ungjillorët e bardhë mbeten mbështetës dërrmues të Izraelit, ndërsa midis të gjitha grupeve të tjera, popullariteti i Izraelit ka rënë ndjeshëm që nga viti 2022.

Rënia e mbështetjes është veçanërisht e theksuar midis demokratëve më të vjetër (50+), ku ka rënë me 31 pikë përqindjeje, dhe midis republikanëve dhe demokratëve më të rinj me nga 22 pikë secili. Midis grupeve fetare, rënia e mbështetjes është 14 pikë midis protestantëve, 23 pikë midis katolikëve dhe 20 pikë midis atyre që nuk kanë lidhje fetare. Edhe midis ungjillorëve të bardhë, të cilët kishin 80 përqind mbështetje në vitin 2022, ka pasur një rënie prej 15 pikësh. /tesheshi

Burimi: mesazhi