E diel, 31 Maj 2026
Miliardat nga nafta që nuk vlejnë asgjë nga mungesa e unitetit përballë armiqve
Ushtria izraelite ka pushtuar një mal strategjikisht të rëndësishëm në Libanin jugor, ku ndodhet Kështjella Beaufort, një fortesë e epokës së Kryqëzatave. Kjo shënon përparimin më të thellë në territorin libanez në më shumë se një çerek shekulli, tha ushtria izraelite.
Pushtimi i Kështjellës Beaufort pranë qytetit Nabatieh pasoi një urdhër të lëshuar nga kryeministri gjenocidal i Izraelit, Benjamin Netanyahu.
“Pushtimi i Beaufort është një hap dramatik dhe një ndryshim dramatik në politikën që po ndjekim. Ne po ndërmarrim iniciativa, po veprojmë në të gjitha frontet – në Siri, Gaza, Liban, kemi krijuar zona sigurie jashtë kufijve tanë për të mbrojtur komunitetet tona”, tha ky kriminel i regjur.
Ky është një fitim i rëndësishëm territorial për Izraelin në luftën e fundit midis Izraelit dhe Hezbollahut, e cila filloi në fillim të marsit.
Ushtria izraelite përparoi në fshatrat në veri të lumit Litani dhe arriti në periferi të qytetit jugor libanez Nabatieh.
Ushtria libaneze zyrtarisht ia mbathi para ushtrisë izraelite, duke e lënë vendin të pambrojtur.
“Ushtria libaneze ka evakuuar pozicionet e saj nga fshatrat dhe qytetet që ranë nën kontrollin izraelit për të siguruar sigurinë e ushtarëve libanezë”, tha një burim i ushtrisë libaneze, duke vënë në dukje se sulmet e ushtrisë izraelite kanë shkaktuar viktima midis ushtarëve libanezë.
Izraeli ka vazhduar sulmet e tij ndaj Libanit pavarësisht një armëpushimi që hyri në fuqi më 17 prill dhe u zgjat për 45 ditë duke filluar më 17 maj pas bisedimeve indirekte të ndërmjetësuara nga Shtetet e Bashkuara.
Izraeli ka një vizion të qartë për skllavërimin e arabëve; ata po përdorin situatën aktuale të kaosit në botë dhe të gjitha dobësitë e arabëve për të pushtuar sa më shumë territor të jetë e mundur. Për momentin, gjithçka po shkon mirë për ta.
Fatkeqësisht, arabët janë në një gjendje të tillë sot saqë thjesht po tërhiqen dhe po ankohen, vetëm grupe të vogla në Liban dhe Gaza po rezistojnë, pjesa tjetër është dorëzuar shumë kohë më parë.
Pra, edhe pse të zhytur në luks nga nafta, miliardat e tyre pa unitet përballë armiqve tashmë nuk vlejnë asgjë. /tesheshi
Burimi: mesazhi
Etiketa: Aktuale
