Sipas transmetuesit publik izraelit Kan, eurodeputetja francezo-palestineze Rima Hassan ka refuzuar të nënshkruajë dokumentet e deportimit nga Izraeli.

Kan raporton se Hassan do të dërgohet në një qendër paraburgimi në qytetin Gibeon. Në total, tetë nga 12 anëtarët e ekuipazhit të anijes Madleen kanë refuzuar të nënshkruajnë dokumentet e deportimit, ndërsa katër të tjerë që i kanë nënshkruar, do të largohen nga Izraeli me fluturime të ndara gjatë ditës.

Më herët, Suhad Bishara, drejtoreshë ligjore në qendrën juridike Adalah në Izrael, e cila përfaqëson aktivistët e ndaluar, tha se disa prej tyre mund të mos pranojnë të udhëtojnë pa një konsultim ligjor.

“Në këtë rast, ata do të transferohen në një qendër paraburgimi në Ramleh, në pritje të një gjyqi për çështjet e emigracionit,” tha Bishara. /mesazhi