Aktivistët pro-palestinezë kanë spërkatur me bojë të kuqe fasadën e bardhë të ndërtesës së Kancelarisë Gjermane, duke protestuar kundër asaj që e përshkruan si bashkëfajësi e Gjermanisë në gjenocidin e vazhdueshëm në Gaza, transmeton Anadolu.

Dy aktivistë nga lëvizja “Gjenerata e Re” spërkatën me duar bojë të kuqe nëpër ndërtesë, pastaj organizuan një protestë ulur me pankarta që shkruanin “Puna e ndyrë është e ”përgjakshme” dhe “Ndalo gjenocidin – jo bashkëfajësi gjermane”.

Oficerët e policisë përgjegjës për ruajtjen e Kancelarisë i arrestuan menjëherë aktivistët. Më vonë, autoritetet thanë se policia e Berlinit i dërgoi në paraburgim për shkelje të ligjeve të Berlinit për asamblenë.

Fabian Beese, 26-vjeç, i identifikuar si një nga protestuesit, shpjegoi motivin e tij.

“Zemra më copëtohet kur shoh njerëz që vdesin në Rripin e Gazë çdo ditë, fëmijë, gra, familje. Fakti që qeveria jonë e mbështet këtë më lë pa fjalë”, tha Beese.

Ai në mënyrë specifike përmendi komentet e kancelarit Friedrich Merz të muajit të kaluar në një intervistë ku përshkruante veprimet ushtarake izraelite kundër Iranit si “punë e ndyrë për të gjithë ne”.

“Gjermania vazhdon ta furnizojë me armë, edhe pse vuajtjet e palestinezëve në Gaza po rriten çdo ditë. Politikanë si Friedrich Merz flasin për ‘punë të ndyrë’, por jo për realitetin që fshihet pas saj… shkatërrim, gjak dhe vdekje”, tha Beese.

Ai theksoi se grupi i tyre kërkon një ndalim të menjëhershëm të eksporteve gjermane të armëve në Izrael.