Mitrovicë – Presidenti i Serbisë, Aleksanda Vuçiq, ka thënë se Prishtina është përgjegjëse për veriun e Mitrovicës e jo Serbia, njofton Klan Kosova.

Kështu presidenti Vuçiq iu është përgjigjur serbëve që i kërkuan atij t’i mbrojë nga mafia që operon në atë pjesë.

Presidenti serb është gjendur në pozitë të palakmueshme, kur gjatë konferencës që po mbante, disa serbë e kanë ndërprerë atë teksa fliste.

Ai tha se Serbia do t’i ndihmojë ata për projekte të reja, pasi siç tha ai, investimet e mëdha nuk vijnë nga Gjermania e as nga Zvicra për qytetarët e veriut.

Vuçiq vizitën në Kosovë ka paralajmëruar menjëherë pas ekzekutimit më gjashtë plumba të Ivanoviqit.

Ai vizitën e nisi në mëngjes duke hyrë nga pika kufitare në Jarinje, për të vazhduar në manastirin Banjsko afër Zveçanit,

Më pas bëri homazhe tek vendi ku është vrarë Oliver Ivanoviçi, duke u takuar kështu më vonë me përfaqësuesit serbë në Kosovë, në Fakultetin Teknik në Mitrovicën e Veriut.

Ai tash është nisur për në Graçanicë këtë qytezë pranë Prishtinës ku do ta vizitojë manastirin.

Vuçiq më tutje do të vazhdojë drejt Llapnasellës ku do të takohet me qytetarët.