Madrid – Trajneri Carlo Ancelotti, ka thënë se Real Madridi ka bërë gabime në ndeshjen ndaj Atletico Madridit (2-2), e cila i kushtoi me eliminim nga Kupa skuadrës së Realit.

“Jam i kënaqur me mënyrën se si lojtarët luajtën në pjesën e parë. Ne bëmë gabime që zakonisht nuk i bëjmë, sidomos në sjelljen jashtë të topit nga mbrojtja. Nuk kam menduar se do të gabonim kështu. Unë kam menduar se ne kemi mundur të rikthehemi edhe pas golit të parë që pranuam, sepse luajtëm mirë. Reaguam mirë. Kur ishte rezultati 1-1, mendova se do të ishte shumë e vështirë”, ka pohuar trajneri italian, Carlo Ancelotti pas ndeshjes.

Megjithatë, synimet e Realit në këtë sezon janë më shumë në La Liga dhe Ligën e Kampionëve.