Mbrojtja ajrore e Iranit ka rrëzuar një avion luftarak të tretë izraelit F-35, një pretendim i hedhur poshtë nga ushtria izraelite, transmeton Anadolu.

Sipas agjencisë shtetërore të lajmeve IRNA, piloti i avionit u nxor jashtë dhe komandot e ushtrisë arrestuan pilotin.

Zëdhënësi i ushtrisë izraelite, nënkoloneli Avichay Adraee, mohoi raportet, duke i përshkruar pretendimet si gënjeshtra.

Dje, agjencia e lajmeve Tasnim raportoi se ushtria rrëzoi dy avionë luftarakë izraelitë të përfshirë në sulmet ajrore në territorin iranian dhe gjithashtu arrestoi një pilote izraelite.

Adraee i mohoi edhe këto raporte, duke i quajtur ato “plotësisht të pabaza” dhe duke akuzuar median iraniane për fabrikim informacioni.

Në orët e para të së premtes, forcat izraelite sulmuan Iranin, duke goditur objektet bërthamore dhe raketore dhe duke vrarë mbi 104 persona, përfshirë komandantë të lartë ushtarakë dhe shkencëtarë kryesorë, si dhe duke plagosur pothuajse 380 persona.

Irani u përgjigj me raketa të premten në mbrëmje, duke shënjestruar disa zona në të gjithë Izraelin, duke vrarë të paktën tre persona dhe duke plagosur mbi 170 të tjerë.

Vala e sulmeve vazhdoi gjatë ditës së djeshme dhe sot gjithashtu.