Madrid – Bayern Munichu dhe Atletico Madridi mund ta rrezikojnë triumfin e sërishëm të Real Madridit në Ligën e Kampionëve. Kështu mendon kapiteni Iker Casillas, i cili nuk e konsideron Barcelonën si rival të denjë këtë edicion.

Të zgjedhurit e Carlo Ancelottit kryesojnë La Ligan dhe i kanë fituar të pesë ndeshjet grupore në garën e madhe evropiane. Ndeshjen e fundit të Grupit B e zhvillojnë kundër Ludogorets në Santiago Bernabeu dhe padyshim se do të jetë një tjetër fitore e Los Blancos.

Portieri i Mbretërve pret një tjetër garë në La Liga ndërmjet treshes – Real, Atletico dhe Barca, por nuk konsideron se këta të fundit mund të jenë të rrezikshëm në Evropë.

“Mendoj se do të luftojmë deri në fund në kampionat. Shpresojmë që ta fitojmë, sepse aktualisht po luajmë shumë mirë”.

“Mirëpo, rivalët tanë kryesorë në Evropë? Bayern Munichu dhe Atletico Madridi”, ka deklaruar Casillas.