Nëse zgjedhjet presidenciale amerikane do të mbaheshin sot, kandidatja demokrate Hillary Clinton, do të fitonte në shtetet kyçe të Florida-s, Ohaios dhe Virginias, me një shans prej 95 për qind për ta mposhtur kandidatin republikan, Donald Trump.

Projekti i cili kombinon sondazhet me një analizë të mostrës së preferencave të votuesve në disa skenare zgjedhjesh, tregon se Clinton kryeson ndaj Trump në vote popullore prej 6 për qind dhe kryeson në 19 shtete, shkruan Reuters në të dhënat ekskluzive.

Për momentin, Clinton do të mund të fitonte të paktën 268 vota në kolegjin zgjedhor, organi i cili përcakton presidentin e ardhshëm të Amerikës.