Trajneri i Spanjës, Luis de la Fuente, beson se sekreti i suksesit të kampionëve të Evropës është “familja”.

64-vjeçari ka ndërtuar skuadrën prej më shumë se një dekade duke punuar me grupmoshat e Spanjës dhe sot gëzon besimin e plotë të lojtarëve të tij.

Pas triumfit në Ligën e Kombeve 2023 dhe Euro 2024, ai e sheh harmoninë dhe besimin si armët më të forta të ekipit.

“Ne duam që kombëtarja e Spanjës të jetë një familje. Kjo na jep siguri, forcë dhe besim”, deklaroi De la Fuente.

Spanja do të synojë titullin e dytë botëror në historinë e saj në Botërorin 2026, pas triumfit të vitit 2010.

Burimi: 04online