Sulmet e Izraelit ndaj Iranit kanë vazhduar edhe gjatë pasdites, me shpërthime të reja që u dëgjuan në kryeqytetin Teheran, transmeton Anadolu.

Sipas pamjeve të ndara nga mediat iraniane, shpërthimet e fuqishme ndodhën në pjesën perëndimore të kryeqytetit.

Mediat iraniane thanë se mbrojtja ajrore iraniane kapi një raketë izraelite në jug të Teheranit.

Izraeli nisi një sulm në shkallë të gjerë sot herët, duke vendosur rreth 200 avionë për të shënjestruar programin bërthamor të Iranit dhe aftësitë e raketave me rreze të gjatë veprimi. Disa zyrtarë të lartë ushtarakë iranianë dhe shkencëtarë bërthamorë u vranë në sulme.

Irani është zotuar për “ndëshkim të rëndë” dhe ka bërë thirrje për një takim urgjent të Këshillit të Sigurimit të OKB-së.