Spanja i është gëzuar fitores së parë në Kampionatin e sivjetmë Botëror duke fituar ndaj Iranit (1-0) në ndeshjen e xhiros së dytë në kuadër të Grupit B.

Gjysma e parë e takimit nuk dhuroi shumë raste shënimi dhe kur skuadrat shkuan në pushim, rezultati ishte ai i fillimit të ndeshjes (0-0).

Në fillim të pjesës së dytë, të dyja skuadrat e patën nga një shans, mirëpo më pas La Roja e zhbllokoi rezultatin.

Diego Costa pranoi një top në zonë, u rrotullua dhe goditja e tij u ndal në rrjetë (54′).

Në minutën e 63-të, futbollistët e Iranit ia dolën që ta fusnin topin në rrjetë, mirëpo me ndihmën e sistemit VAR, goli u anulua për pozitë jashtë loje.