Agjencia Gjermane për Bashkëpunim Ndërkombëtar (GIZ), ka nënshkruar me Ministrinë e Shëndetësisë aktin e dorëzimit të pranimit të pajisjeve medicinale për mbeturina medicinale në vlerë prej 208 mijë euro.

Në lidhje me këtë, Vitia tha se sigurimi i pajisjeve për mbeturina medicinale është një kontribut i vlefshëm i Qeverisë Gjermane përmes GIZ, në funksion të menaxhimit më të mirë të këtyre mbetjeve.

“Ambasadori Joern Rohde tha se ky është një kontribut për ta ndihmuar menaxhimin e mbetjeve medicinale, për të ndihmuar për një Kosovë më të shëndetshme dhe gjithashtu për ta përgatitur Kosovën për rrugën e saj për në Bashkimin Evropian”, thuhet në njoftimin e MSh-së, transmeton Klankosova.tv.

Me këto pajisje medicinale, do të furnizohen 34 QKMF në Kosovë sikurse edhe një transportues për bartje të këtyre mbetjeve medicinale.