87 trupa të pajetë emigrantësh janë gjendur në shkretëtirën e Saharasë, në kufi të Nigerisë.

Emigrantët mendohet të kenë vdekur si pasojë e etjes, pas prishjes së mjeteve të transportit, me të cilat po tentonin të kalonin kufirin.

Një nga punonjësit e shpëtimit, Almoustapha Alhacen, thotë se trupat ishin të dekompozuar dhe pjesërisht të ngrënë nga çakejtë.

Trupat e pajetë mendohet të jenë të emigrantëve që tentojnë të kalojnë nga Afrika Sub-Sahariane për në Evropë.

Shumica e të vdekurve ishin gra dhe fëmijë, raporton BBC.