Irani e dënon sulmin në Londër, por e kritikon Perëndimin për standarde të dyfishta


E martë, 23 Maj 2017


“Terrorizmi mund të çrrënjoset vetëm duke ndërmarrë masa gjithëpërfshirës, dhe duke shmangur standardet e dyfishta,” ka thënë zëdhënësi i Ministrisë së Jashtme të Irani, Bahram Qasemi, raporton agjencia shteterore e lajmeve e Iranit, IRNA, transmeton Express.

“Aleancat artificiale nuk do ta ndalin shtrirjen e terrorizmit kancerogjen në botë,” ka thënë ai.

Sulmi i mbrëmshëm gjatë koncertit të këngëtares amerikane, Arianda grande, në qytetin anglez të Manchester vrau të paktën 22 persona dhe plagosi 59 të tjerë.

Ndërkohë, presidenti i SHBA-së, Donald Trump, i cili hapi në fundjavë një qendër kundër terrorizmit në Arabi Saudite gjatë vizitës që pati atje, e akuzoi Iranin se është burimi kryesor i financimit dhe përkrahjes së grupeve militante në Lindje të Mesme.

Irani i mohon këto pohime dhe thotë se Arabia Saudite është burimi i vërtetë i financimi të militantëve islamikë.

Ndërsa, ish-komandanti i Gardës Revolucionare të Iranit, Mohsen Rezaei, ka shkruar në Twitter: “Sulmi terrorist në Manchester është rezultat i valles së shpatës të Trumpit me shefin e terroristëve.”

Trump mori pjesë në vallen e shpatës në Riad gjatë vizitës së tij atje. 

Etiketa: ,
Të fundit