Irani dhe Turqia diskutojnë krizën në Siri dhe përleshjet e vazhdueshme në Irakun perëndimor, duke bërë thirrje për dhënien fund të dhunës në vendet fqinje arabe.

Sipas Press TV, Ministri i Jashtëm i Iranit Muhammed Xhevad Zarif tha të shtunën, më 4 janar 2014, në Teheran se po punon me Turqinë për të zgjidhur dallimet e tyre rreth Sirisë, duke theksuar se çdo zgjidhje për krizën e zgjatur në vend duhet të jetë paqësore.

Zarif tha në një konferencë të përbashkët për shtyp me homologun e tij turk, Ahmet Davutoglu në Stamboll se Vendet e tjera duhet të ndihmojnë popullin e Sirisë për të arritur një konsensus dhe për t’i dhënë fund dhunës në Siri.

Ahmet Davutoglu, gjithashtu, bëri thirrje për një armëpushim në Siri dhe shprehu shpresën se konferenca e shumëpritur ndërkombëtare në Siri, e njohur si Bisedimet Gjeneva – 2, do të sjellë paqen në vendin e shkatërruar nga lufta.

Më parë, të dy palët diskutuan për zhvillimet në rajon dhe marrëdhëniet dypalëshe.

Ata, gjithashtu, ngritën çështjen e Irakut, duke shprehur shqetësim rreth një shpërthimit të dhunës në provincën perëndimore Anbar, ku forcat e sigurisë po luftojnë militantët e el -Kaidas – gjatë ditëve të fundit.

Muhammed Xhevad Zarif shprehu shpresën se qeveria e Irakut do të hapë rrugën për zgjedhjet e ardhshme parlamentare dhe të krijojë një qeveri që do të siguronte paqen në vend.

Ai e përshkroi Iranin dhe Turqinë si lojtarët kyç në Lindjen e Mesme, duke këmbëngulur se marrëdhëniet dypalëshe midis dy fqinjëve nuk duhet të ndikohen nga ndërhyrjet e huaja.

Zarif tha se shumë marrëveshje bilaterale do të finalizohen gjatë vizitës së presidentit të Iranit në Turqi.

Në orët e paraditës, Zarif bisedoi shtruar edhe me kryeministrin turk Rexhep Tajip Erdogan.