Prizren Post - Nga qendra e Ballkanit!

Ish-kreu i CIA-s, Brennan: Rusia ndërhyri në zgjedhje

Prizren Post | 04:59 - 24.05.2017

“Të gjithë duhet ta kenë të qartë se Rusia ndërhyri fare pa turp në procesin e zgjedhjeve tona presidenciale të vitit 2016. Ata i ndërmorën këto veprime, pavarësisht protestave tona të forta dhe paralajmërimeve për të mos i bërë”, tha John Brennan, ish-drejtor i CIA-s.

Ish-shefi i CIA-s, Brennan tha se nuk e di nëse njerëz nga fushata e Trumpit bashkëpunuan me Rusinë, por shtoi se kishte parë informacione dhe të dhëna, që ia vlente të hetoheshin.

Pavarësisht se u pyet nga paneli, Brennan nuk dha detaje për këtë pikë, duke thënë se bëhej fjalë për informacione sekrete dhe nuk mund t’i diskutonte në një seancë publike.

Brennan përforcon me komentin e tij, pretendimet e Inteligjencës amerikane se Moska u përpoq të ndikonte në zgjedhje, në favor të Donald Trump, pavarësisht se Kremlini e mohon këtë në çdo mundësi që i jepet.


Arivisti Company