Washington – Ben Carson, kandidati për president në radhët e republikanëve në SHBA, ka thënë se Islami është në kundërshtim me Kushtetutën Amerikane dhe se një musliman nuk duhet të zgjidhet si president.

“Unë nuk do mbroja idenë se Islami është pjesë e këtij kombi. Absulutisht nuk do pajtohesha,” tha mes tjerash kandidati për NBC. Carson nuk specifikoi se pse Islami s’mund të jetë në përputhje me Kushtetutën.

Menjëherë pas kësaj deklarate kanë reagur edhe shoqatat muslimane, si Këshilli për marrëdhënie mes Islamit dhe Amerikës, që kanë kërkuar abrogimin e kandidimit të Carsonit.