Ferizaj – Policia e Kosovës ka bërë të ditur se një person ka deklaruar rrejshëm se po kanoset, duke inskenuar tërë ngjarjen me qëllim të marrë ndonjë dokument nga Policia dhe pastaj ta përdorë për të kërkuar azil në shtetet europiane.

Ngjarja ka ndodhur në rrugën “Dëshmorët e kombit” në Ferizaj.

I dyshuari ka pranuar se ai e kishte hapur edhe adresën në Facebook prej të cilës kishte shkruar mesazhe kërcënuese në adresën e tij personale, me qëllim që të marr ndonjë dokument nga Policia apo Gjykata dhe pastaj atë ta përdorë për të kërkuar azil në shtetet europiane.

Me urdhër të prokurorit rasti shkon në procedure të rregullt.