Pekini ka reaguar ashpër ndaj sulmeve të SHBA-së ndaj objekteve bërthamore iraniane, duke i cilësuar ato si shkelje të Kartës së OKB-së dhe të së drejtës ndërkombëtare.

Në deklaratën e saj, Kina theksoi se ky veprim vetëm sa përkeqëson situatën në Lindjen e Mesme dhe bëri thirrje për rikthim urgjent në dialog. Gjithashtu, Pekini u shpreh i gatshëm të punojë me komunitetin ndërkombëtar për një zgjidhje paqësore.

Megjithatë, vëzhguesit theksojnë se është shumë e pamundur që Kina të përfshihet drejtpërdrejt në konflikt, pasi zakonisht ndjek një qasje të kujdesshme në çështjet ndërkombëtare dhe shmang përfshirjen ushtarake pa një arsye shumë të fortë. /mesazhi