Manchester – Trajneri i Liverpoolit, Jurgen Klopp është shprehur pas fitores kundër Liverpoolit se skuadra e tij e meritoi fitoren pas një paraqitje shumë të mirë, por që duhet të vazhdojnë të përmirësohen edhe më shumë.

Liverpooli shënoi fitore prej 1-4 në Etihad kundër Manchester Cityt, duke bërë një nga paraqitjet më të mira që nga ardhja e Jurgen Kloppit në Angli, transmeton Koha.net.

“Të fitosh kundër Cityt 1-4 është shumë mirë. Nuk ishte perfekt, pasi mund të mbrohemi më mirë, por ishte e merituar. Mund të bëjmë edhe më mirë se sonte, por vetëm nëse besojmë në fuqitë tona, mund ta befasojmë veten. Nëse keni kualitet, dhe ne e kemi, atëherë duhet të besoni se mund të jeni më të mirë”, është shprehur Klopp, raporton Liverpool Echo.

Klopp gjithashtu ka falënderuar fansat për përkrahjen, duke thënë se ekipi është përgjegjës që të shtyjë tifozët të qëndrojnë gjithmonë prapa.