Kosova e ka bërë një lojë historike, duke e mposhtur Armeninë me rezultat 60:17, në ndeshjen e parë të Kampionatit Botëror të shteteve në zhvillim i cili po zhvillohet në Kosovë.

Skuadra kosovare ka qenë bindshëm më e mirë se kundërshtari, Armenia, që ishte vërtet e pafuqishme. Kosovarët e kanë ‘shkelur’ kundërshtarin qysh në pjesën e parë, të cilën e mbyllën me 28 gola dallim, 32:4.

Ndërkaq, në pjesën e dytë epërsia e vendësve u shtua dhe në fund ata fituan me 43 gola dallim. “Fatmirësisht e kishim një kundërshtar të lehtë, fituam me lehtësi. Besojmë se do të triumfojmë dhe ta kalojmë grupin”, deklaroi Kastriot Jupa pas lojës, përcjell Zëri.

Jemi mësuar ta shohim Kosovën ose ekipet kosovare duke humbur me rezultat të thellë, dhe kjo me siguri ishte një befasi e këndshme për tifozët kosovarë.