Prizren Post - Nga qendra e Ballkanit!

Kosova ngritet për 11 pozita, Shqipëria pëson rënie në renditjen e FIFA

Prizren Post | 12:54 - 07.06.2018

Federata Ndërkombëtare e Futbollit ka publikuar renditjen më të re të ekipeve kombëtare.

Kosova ka pasur një ngritje të dukshme në listën e muajit qershor, duke fituar 11 pozita nga hera e kaluar që ishte në të 152-tën.

Pas fitores së fundit me rezultat 3-0 kundër Shqipërisë, Kosova tani renditet në vendin e 141 me 197 pikë.

Njëkohësisht, kjo është renditja më e mirë ndonjëherë e përfaqësueses sonë që prej pranimit në FIFA.

Shqipëria ka pësuar një rënie pas dy humbjeve rresht gjatë javës së kaluar, ku u mposht nga Kosova dhe më pas Ukraina triumfoi me rezultat 4-1 ndaj kuqezinjve.

Kombëtarja shqiptare tani gjendet në pozitën e 58 me 538 pikë duke zbritur me dy vende.


Etiketa:
Arivisti Company